AzQAC Sumqayıt şəhər bölməsində könüllülərə "Su, Sanitariya və Gigiyena" mövzusunda təlim keçirilib

13 sentyabr 2023-cü il tarixində AzQAC Sumqayıt şəhər bölməsində könüllülərə icma əsaslı Su, Sanitariya və Gigiyena mövzusunda 1 günlük təlim keçirilib. Təlimdə Türk Kızılayın Azərbaycandakı nümayəndəsi Hüseyn Çitak, Azərbaycan Qızıl Aypara Cəmiyyətinin Gənclər və Könüllülər şöbəsinin müdiri - İcraçı katibin müavini Xalidə İsgəndərova, Sağlamlıq və Qayğı şöbəsinin müdiri Əminə Cabbarova iştirak edib.

AzQAC Sumqayıt şəhər bölməsinin sədri Mətanət Məhərrəmova qonaqları və iştirakçıları salamlayaraq təlimin vacibliyi haqqında məlumat verib. Daha sonra təlimi Türk Kızılayın Azərbaycandakı nümayəndəsi Hüseyn Çitak və AzQAC-ın Sağlamlıq və Qayğı şöbəsinin müdiri Əminə Cabbarova tərəfindən könüllülərə şəxsi gigiyena ,dəri və ağız , düzgün əl yuma qaydası və reproduktiv sağlamlıq haqqında məlumat verərək ,praktiki nümayişlər göstərib. Günün ikinci yarısı təlimdə öyrənilən mövzular könüllülər tərəfindən qrup şəklində müzakirə olunaraq təqdimatlar hazırlanıb. Təlimin əsas məqsədi 12 nəfər könüllü icma əsaslı su, sanitariya və gigiyena üzrə təlimçi kimi hazırlamaq olub. Könüllülər öyrəndikləri məlumatları təhsil ocaqlarında şagirdlər ilə paylaşacaqlar.